PRISE JESUS
 
Jesus, Jesus - ditt navn er
underfullt-
som duft frå tusen roser-
som sol på ei sommar-eng!
 
Jesus -  eg vil opphøya deg!
Eg vil lovsyngja ditt heilage navn!
 
Jesus - ditt navn er ein salve!
Ditt navn er balsam!
Når livet tyngjer og alt går imot-
då må eg søkja deg, Herre!
 
Som eit barn som treng trøst
får eg koma innfor deg, Herre!
 
Eg kjenner det er godt
å strekkja mine hender opp -
opp mot deg - Far i himmelen-
opp mot deg - Jesus min Frelsar
opp til deg - Heilage Ande,
i deg , Heilage Ande.
 
 
Eg kjenner at dei harde knutane
løyser seg.
Eg kjenner din kjærleik, Jesus
som ein varm straum
Ja, det strøymer frå deg, Herre
nytt liv -
nytt mot -
ny kraft -
og forsonlege tankar...
 
 
Takk Jesus, Jesus -
vedunderlege Jesus!
Ja - det er godt å prise Herren
og å lovsyngja deg -
Du høgste!
 
 I sanning:
Det er godt å prisa Herren!  
 
 
                                          J.R.


Tilbake